تابع البودكاست

تجد بالأسفل روابط المتابعة للبودكاست ، إذا كانت هذي اول مرة تسمع هالكلمة وماتعرف وش معنى بودكاست ، أنزل لأسفل الصفحة وبتحصل شرح مختصر

أضغط على الصورة لمتابعتنا على تطبيق ساوند كلاود Sound Cloud

تابعنا على تطبيق البودكاست المفضل لديك على هواتف ايفون او اندرويد

أو إذا كنت تفضل تطبيق قوقل بودكاست ، أضغط على الصورة تحت

وش يعني بودكاست

البودكاست عبارة عن برامج صوتية إذاعية يمكن لأي شخص إنتاجها و نشرها او الإستماع لها عن طريق الإنترنت و ينزل البودكاست على صيغة مقطع صوتي تستمع له أثناء قيادة السيارة او تأدية المهام الروتينية و تقريبا عالم البودكاست مثل عالم اليوتيوب تحصل بودكاستات عن شتى أنواع المجالات سواء…

كيف أتابع بودكاست

تحتاج تطبيق بودكاست ، ورابط الاشتراك او اسم البودكاست اللي تبي تتابعه ، يعني زي لما تبي تتابع احد في تويتر ، تحتاج تحمل تطبيق تويتر وبعدين تدخل على حساب الشخص وتضغط متابعة

إذا انت عندك آيفون

فالمفروض ان عندك تطبيق اسمه بودكاست Podcast ( إذا انت مامسحته من الجوال عشان تفضي مساحة ) ، يمديك تضغط على الصورة فوق اللي مكتوب فيها iTunes ، او اضغط هنا ، وبيفتح التطبيق على بودكاست ثورة وبيعطيك خيار الاشتراك والمتابعة ، وبعدين يمديك تسمع كل حلقاتنا

إذا لأي سبب ماعندك التطبيق ، ببساطة يمديك تخش على الستور الخاص بالايفون وإعادة تحميل التطبيق ، و اذا تبي تتدلع ، فيه تطبيق ثاني احسن اسمه Overcast ، أضغط هنا عشان تحمله ، بعد مايكتمل التحميل ، سو بحث بأسمنا ، او اضغط هنا

وإذا انت جوالك أندرويد

اذا جوالك سامسونج ولا هواوي ولا غيرها ، يعني جوالك اندرويد

هنا الخيارات و التطبيقات واجد ، ننصصح بـ Podcast Addict ، أضغط على الرابط وثبت التطبيق ، وبعدين كل ماشفت بودكاست دق على رابط التسجيل حقه وبيفتح التطبيق تلقائي ، أضغط هنا عشان تسجل في بودكاستنا

وفيه خيار ثاني بدا ينتشر الحين ، تطبيق قوقل بودكاست الرسمي ، أضغط على الرابط وثبت البرنامج ، بعدين إضغط هنا ، عشان تفتح على البودكاست حقنا ، وبيعطيك خيار الاشتراك والمتابعة

وشهو ذا ساوند كلاود

هذا تطبيق مشهور ، على الايفون و الاندرويد ، كأنه يوتيوب حق البرامج الصوتية .. ممكن تستخدمه بدل التطبيقات اللي فوق

حمله من متجر الايفون هنا ، او الاندرويد هنا

بعد ما يكتمل التحميل والتثبيت ، أضغط هنا عشان تدخل على حسابنا في ساوند كلاود ، تابعنا واستمع لأي حلقة تعجبك .. وبعدين خذلك لفة في التطبيق بتحصل شغلات ثانية كثير حلوة

وبعدين ؟

سلامتك ! كل ماشفت نفسك فاضي ، طالع مشوار بالسيارة ، ولا قاعد في انتظار الجوازات ، ولا تنتظر الاهل في السوق ( او قاعده تنتظرين السواق )  ، أفتح على تطبيق البودكاست وشوف الحلقات واسمع اللي يعجبك ، واذا خلص مشوارك وقف الحلقة وكمل الاستماع بعدين في فرصة ثانية،

عالم البودكاست عالم جميل ومثري يخليك تستغل وقت فراغك ، واذا بودكاستنا موب عاجبك ، فيه بودكاستات ثانية كثير عن كل المواضيع المسلية او المفيدة ، رياضة و تجميل و تقنية و تسوق و دين و شعر وكل اللي تبي .. هذا دليل للبودكاستات العربية .. بإمكانك التصفح والبحث بالتصنيف .. وعلى الاغلب بتحصل شي على مزاجك